EKE-k bi informazio gaualdi berri antolatzen ditu Uztaritzen

Euskal kulturaren alorrean ari diren elkarteen eta konpainien laguntzeko daukan misioaren baitan, 2011z geroz, Euskal kultur erakundeak informazio programa bat antolatzen du urtero. Tokiko Jarraipen Dispositiboa eramaten duen Profession Sport et Loisirs 64 egiturarekin antolatu gaualdi horien bidez, EKE-ren elkartekideetako buruzagi, animatzaile bolondres eta langile soldatadunei elkarte kudeaketan suertatzen ahal diren problematiketaz informatzeko, tresna metodologiko eta praktikoak ukaiteko eta beste parte-hartzaileekin trukatzeko parada eskaintzen die.

Behin-behineko aurrekontuaren inguruko lehen informazio gaualdia eta kultura egituren arteko lankidetzaren erronken inguruko jarraikitze kolektiboa antolatu ondotik, EKE-k bi informazio gaualdi berri eskaintzen dizkie bere elkartekideei hemendik urte bukaera arte:

• 2020ko azaroaren 5a, 18:00, Uztaritzeko Lapurdi gela: Gatazken kudeaketa (baitezpadakoa da izena ematea azaroaren 3a aitzin)
• 2020ko abenduaren 3a, 18:00, Uztaritzeko Lapurdi gela: Mugaz gaindiko artisten programazioa – kuadro fiskal, sozial eta juridikoa (baitezpadakoa da izena ematea abenduaren 1a aitzin)

Xehetasunak

• Kasu! Covid-19 osagarri neurrien gatik, leku kopurua mugatua da. Baitezpadakoa da aitzinetik izena ematea: Maia Etchandy (EKE) - maia.etchandy@eke.eus / 05 59 93 38 72
• Eskuorria
• Elkartekideen jarraitzeko programa