Publiko guzien informatzea eta sentsibilizatzea

Euskal kulturaren inguruko informazioa eta sentsibilizazioa EKE-ren politikaren ezinbesteko atala da. Kultura arartekolaritzaren alorrean eramaten dituen ekintzak publiko ezberdinei zuzentzen dira eta bi ardatz nagusiren arabera deklinatzen dira:

• sentsibilizazio ekintzen eta tresnen plantan ezartzea;
• partaideen jarraipena eta mobilizazioa.

Sentsibilizazio ekintzen eta tresnen plantan ezartzea

EKE-ren xedea da pertsona bakoitzak tresna eta baliabide batzuk erabiltzeko parada ukan dezan bere kultura pertsonalaren aberasteko.

EKE-ren misioetatik bat publiko ezberdinen (publiko zabala, ikasleak, irakurketa publikoko profesionalak, …) interesa eta jakin-mina piztea da euskal kulturarentzat. Izan dadin mintzaldi batean parte hartuz, erakusketa bat bisitatuz edo eskuko telefonoa erabiliz, EKEren xedea da pertsona bakoitzak tresna eta baliabide batzuk erabiltzeko parada ukan dezan bere kultura pertsonalaren aberasteko. Horretarako, ez da bakarrik ari. Proiektu horiek kultura, heziketa edo dokumentazio alorreko bere partaide naturalekin eraikitzen ditu. Ondorioz, badu zenbait urte EKE ondoko ekintzetan engaiatua dela:

• sentsibilizazio tresnen ko-asmakuntza: multimedia erakusketa didaktiko ibiltariak, Soka erakusketa ibiltarian oinarritu aplikazio numeriko ludikoa, gazte irakurketa maleta, …;
• irakurketa publikoaren profesionalei, baina ere Maurice Ravel Kontserbatorioko irakasle eta ikasleei zuzendu euskal kulturaren sentsibilizazio egunen ko-antolaketa;
• publiko zabalari zuzendu mintzaldi batzuen ko-programazioa gai ezberdinei buruz;
• kultura aktualitatearen balorizazioa eta editorializazioa bere webgunearen eta sare sozialen bidez (ikus Estrategia numeriko bat garatzea atala).

Partaideen jarraipena eta mobilizazioa

Euskarazko eta euskal kulturaren ganako heziketa artistikoa sustatzeko helburuarekin, eta ondorioz, eskola barneko eta kanpoko kultura bizia aberasteko asmoz, EKE partaide ezberdinen koordinazio lan batean abiatu da dinamika berri bat sustatu nahiz.

Horrela, irakasleen eta euskarazko edota euskal kulturaren inguruko heziketa tailerrak ikasleei eskaintzen dituzten kultura eragileen edo lurraldeko mediateken laguntzeko, EKE besteak beste honela inplikatzen da:

• Pirinio-Atlantikoetako Departamenduarekin euskarazko Heziketa Artistiko eta Kulturalari buruzko lan talde bat ko-animatuz;
• partaideak mobilizatuz ekintza pedagogikoen antolaketaren inguruan, hala nola Zineskola dispositiboa edo Soka erakusketaren inguruko txosten pedagogikoaren sortzea;
• Biblio64 (lehengo BDPA) liburutegia teknikoki sostengatuz, BILKETA sarearen bitartez euskarazko Kamishibai-ei buruzko lan talde bat antolatuz.