EKE, Maitaldia festibalaren partaide lehen aldikotz

Miarritzeko Maitaldia, nazio arteko dantza festibalak, leku berezia eman nahi izan du aurten lurraldeko dinamikari. Hala nola, Euskal Herriko hamar konpainia ikusten ahalko dira oholtzetan eta plazetan. Euskal kultur erakundearen partaidetzarekin, Maitaldia festibalaren hogeita hamekagarren edizio honek, EliralE Konpainiaren O! sorkuntza errezibituko du irailaren 13, 14, 15 eta 16an, Bilaka-ren Saioak irailaren 17an, edo Maritzuli Konpainiaren "Gauargi - La lanterne de la nuit" erakusketa.

Ikusgarrietarik aparte, mintzaldi bat ere izanen da, "Jauzi eta braleak Euskal dantzan eta Pizkunde garaian", irailaren 13an, 16.00etan, Maritzuli Konpainiaren egoitzan.

Eta azkenik, lehen aldikotz aurten, Frantziako konpainia batek bere pieza aurkeztuko du Miarritze hiritik kanpo. Centre Chorégraphique National de Nantes – Ambra Senatore et Marc Lacourt – Konpaniak, Il nous faudrait un secrétaire ikusgarria, Senperen (14/09), Donapaleun (17/09) eta Maulen (18/09) aurkeztuko du. Aukera izango da lurralde horietako dantzari eta artistekin topaketak antolatzeko.

Gehiago jakin

• Harremana: Malandain Ballet Biarritz
• Festibalaren egitarau osoa (PDF)
• EliralE Konpainia
• Bilaka Konpainia
• Maritzuli Konpainia