EUSKAL KULTUR ERAKUNDEAREN AGERKARIA
Jose Jabier Abasolo
Zatia
Erregelak soka-dantza berreskuratzea Iurretan (Bizkaia)
Jose Jabier Abasolok dio Erregelak soka-dantza ez zela guztiz galduta egon baina ez zela egiten. Orduan Iurretako bat joan zen Bilbora aurreskua ikastera. Lehenengo Ezpata Dantza Eguneko txapelketan, aurretik abisatuta, aurresku txapelketa egin zuten. Horrela, batzuek ikasi zuten, parte hartzeko. Bigarren urtean, parte hartu nahi zuenak atzeskua ere ikasi behar izan zuen. Hurrengo urtean, soka-dantza txapelketa egin zuten. Ondoko urtean, soka osoaren txapelketa: aurreskua, atzeskua, neskak eta... Hurrengo urteetan soka-dantzak egin zituzten. soka-dantza desberdinak, jaietan ere bai, herrietan. Horrela, denek ikasi zuten soka-dantza egiten. Beraz, prozesu bat izan zen, 1967an hasirik, 1970 hamarkadan. Garai hartan oso inportantea izan zen Ezpata Dantza Eguna. Talde guziek ikasi zuten dantza egiten, Erregelak egiten ere bai.
Jose Jabier Abasolo "Tiliño" - 2013 © Dantzan.eus
Gehiago jakin
Jose Jabier Abasolo "Tiliño" 1946an sortu zen Iurretan, eta hamabi urte zituela estreinatu zen dantzan San Migeletan. Iurretako dantzak txukundu eta sendotzen lan handia egin du, Merinaldeko ezpata-dantzari egunaren antolaketa lanetan jardun du Gerediaga elkartearekin eta Durangaldeko taldeetan dantzari-dantza eta soka-dantza sustraitzen lagundu du. Euskal Dantzarien Biltzarrean eta Bizkaiko Dantzarien Biltzarrean aritu da, Iurretako Antzinako Musikajoleen egunaren antolatzailea izan da.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
