EUSKAL KULTUR ERAKUNDEAREN AGERKARIA
Jean-Louis Estecahandy
Zatia
Soinugileak ordainduak maskaradetan
Jean-Louis Estecahandyk zehazten du musikariak ordaindu bakarrak zirela maskaradetan eta hortarako ere etortzen zirela. Jean Copen-en adibidea ematen du: berak urteko xerria erosten zuen maskaradetan irabazi diruarekin.
Jean-Louis Estecahandy "Loulou Ibar". "Eleketa" programa. 2013 © Pirinio Atlantikoetako Departamenduko Artxiboak - 19AV1004
Gehiago jakin
Gehiago jakin
Jean-Louis Estecahandy, Lulu Ibar izenarekin ezagutuagoa, 1928ko apirilaren 20an sortua da, Sohütan (Xiberoa), Halbidean. Zortzi haurretarik gazteena da. 1939-1945eko gerlaren denboran, bere hiru anaiak armadan izanik, familiaren etxaldean burasoak lagundu zituen. 1953ko irailaren 7an ezkondu zen eta ondoko herrian plantatu, Barkoxe Ibarrean. Orain ere han bizi da. Lulu Ibar artzain izan da, bortuan, bereziki Ardanen, Arbailako mendietan.
Dantzaren zaletasuna gazte-gazterik izan zuen, aitak, osabak eta bi anaiak emanik. Bigarren mundu gerlaren denboran, bi anaia horiek ez baitziren etxean, Luluk beste dantzari familia batzuetan ikasi zuen, hala nola Ferdinand Morot Monomiren familian. Hamasei urte zituen, orduan. 1947an, maskarada batean parte hartu zuen, lehen aldikotz, Gatüzain gisa, bost dantzariz osatu Aintzindarien taldean. Barkoxeko pastoraletan ere parte hartu zuen, 1962an eta 1974an, Satan gisa. Satan, ikusgarria bururatzean, xiberotar dantzak ematen dituzten dantzarietarik da. Xiberotar dantzari esker, Xiberotik kanpo egin zituen bidaiak eta ikusgarriak oroitzapen aberasgarri ederrak dira.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
