EUSKAL KULTUR ERAKUNDEAREN AGERKARIA
Izaskun Angoitia
Zatiak
Tradizioa ez da zahartzen, aurrera baitoa etengabe
Dantza gorputzaren bidez komunikatzeko manera bat da, musikaren erritmoa segituz, hots gozamen handia eta poz iturri Izaskun Angoitiarentzat. Ez du bakarrik dantzatzen baizik eta beti taldean. Euskal dantza Euskal Herrian egiten den dantza da, era askotakoa : tradiziozkoa, garaikidea edo beste. Tradiziozko dantza beti aldatzen ari da baina sustraiak eduki behar ditu haratago joaiteko. "Tradizioak esan nahi du nunbaitetik gatozela norabait joateko". Mugimendu horretan ez da zahartzen, aurrera baitoa etengabe.
© Euskal kultur erakundea
Tradizioa ez baloratzeko, ezjakintasun handia daukagu
Bizitua dena beti sortzaile eta berritzaile izango da. Bakarrik erroetatik jalgi behar du, eta ez errexkerietan eta gauza berdintsuetan erori. Askotan ezjakintasun handia daukagu gure dantza tradizioaz (errepertorioa, sinboloak, etab.). Honek eragiten du sorkuntzetarik tradizioa baztertua eta ez estimatua izaitea. Izaskun Angoitia penagarri atxemaiten du tradiziozko alorrik ez dela landuko Bilbon egingo den dantza eta arte eszenikoen eskolan.
© Euskal kultur erakundea
Gehiago jakin
Izaskun Angoitia (Eibar, 1958) dantzaria da.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
