EUSKAL KULTUR ERAKUNDEAREN AGERKARIA
"Lehen urratsa" web-dokumentala
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildu zituzten lekukotasunak, irudiak eta soinuak, “Lehen urratsa” izeneko web-dokumentalean argitaratu ditu EKE-k.
Helburua bikoitza zen:
- Ipar Euskal Herriko haurrentzako dantza eskoletan egin soinu grabaketen eta argazkien bidez, euskal dantzaren transmisioa agerian uztea
- Dantza eskolek daramaten lanaren baloratzea eta promozionatzea
Sei herritan ibili ziren Radiokultura-ko kazetariak eta Johan Morin argazkilaria:
- Hendaian (Akelarre taldea)
- Baionan (eskola-denboratik kanpoko kurtsoa)
- Bardozen (Lagunekin taldea)
- Baigorrin (Arrola taldea)
- Itsasun (Ataitze taldea)
- Barkoxen (Etxahun elkartea)
Bi oren elkarrizketa baino gehiago (euskaraz eta frantsesez) eta 100 bat argazki hautatu dira web-dokumental baten itxura duen "Lehen urratsa" bildumaren osatzeko.
Lehen urratsa : euskal dantzaren eskolan
Grabaketak:Radiokultura
Argazkiak: Johan Morin
Muntaketak: Jakes Larre
Eskerrak Hendaiako (Akelarre), Itsasuko (Ataize), Bardozeko (Lagunekin), Baionako, Barkoxeko (Etxahun) eta Baigorriko (Arrola) dantza taldeetako ikasleei, gurasoei eta erakasleei.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
