EUSKAL KULTUR ERAKUNDEAREN AGERKARIA
"Irudimena dantzan!" - Lehiaketan parte hartzeko azken egunak !
Bosgarren aldiz, Euskal kultur erakundeak eta Azkue Fundazioak "Irudimena" sormen lehiaketa antolatzen dute 2015eko urriaren 1etik azaroaren 15a arte. Aurten euskal dantza izanen dute sortzaileek abiapuntu, SOKA erakusketa ibiltariaren dinamikari jarraikiz. Lehiaketa denei irekia da. Parte hartu lotsarik gabe!
Aitzineko bi edizioen ereduari jarraikiz, soinu bat hautatu beharko dute antolatzaileek proposatu zerrendan. Aukeran diren 9 soinu horiek dantzan.eus ataritik datoz. Euskal dantzaren testuinguru desberdinak ilustratzen dituzte.
Hautatzen duen soinuan oinarrituz hiru aukera ditu parte-hartzaileak :
- soinu berri bat sortzea (edozoin motakoa, musika, kantua, arrabotsa, nahasketa...),
- euskarazko testu bat idaztea (edozoin generotan, poesia, narrazioa, deskripzioa, bertsoak...)
- irudi berri bat egitea (argazki, marrazki edo margo bat eginez...).
Parte hartu! Sari frango bada irabazteko.
Gehiago jakin
Harpidetu doan gure buletinera
Euskal kultur erakundearen berripapera (Hilabetean behin)
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
