EUSKAL KULTUR ERAKUNDEAREN AGERKARIA
"Soka" erakusketa Baionan
Fred Berruet
2019/08/26
Elgoyhen dantza eskolari buruzko erakusketa Atharratzen
Dominique Nicibar Bürgübürü argazki artxiboa erabiliz, Atharratzeko Elgoyhen (1890-1986) dantza eskolaz erakusketa bat egin du Euskal kultur erakundeak. Mauleko Ondarearen Etxean aurkeztua izan ondoan, Atharratzeko Prefosta elkartearen egoitzan ikusgai da.
"Elgoyhen dantza ikasgia: Dantza eta betikotarzüna" erakusketa Dominique Nicibar Bürgübürü dantzariaren argazki artxiboetan eta komentarioetan oinarritua da.
Mathilde Caraminot-ek zuzendu du Euskal kultur erakundearen kondu. Sei panelek osatzen dute. Nicibaren bideo-lekukotasun bat ageri da borna batean (ikus ere Dominique Nicibaren lekukotasun gehiago ). Elgoyhen dantza eskola ezagutu duten jendeen testigantzak oroitzapen kaier batean bilduak dira ere.
Beñat Elgoyhen-ek (1888-1959) dantzaren erakusteko metodo berezi bat asmatu zuen. Bere soldadutzan Okzitaniako Tolosan, gradudunek igorri zuten "Capitole"-era dantza klasikoa kurtsoen segitzea. Hor ikasi zuen dantza klasikoa bai eta dantzaren erakusteko metodo barnatu bat. 1910 aldean, Zuberoara itzuli zenean Basabürüko dantzari guztiak bilduko eta formatuko zituen eskola muntatu zuen Atharratzen.
Hiru belaunaldiz iraun zuen eskolak, familia berean: Joseph Elgoyhen (1855-1913), bere semea Beñat Elgoyhen (1888 - 1959), eta azkena, Juje Elgoyhen 1970 arte.
Xehetasunak
- http://elgoyhen.soka.eus
- Sartzea urririk Atharratzeko Prefosta elkartearen egoitzan - Ostiral arrats guziz
Harpidetu doan gure buletinera
Euskal kultur erakundearen berripapera (Hilabetean behin)
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
