Musikas

Musikas herri arteko musika eskola bat da, Basusarrin, Kanbon, Ezpeletan, Larresoron eta Uztaritzen presente dagoena. Publiko eta praktika maila guziei irekia da. Banakako praktika instrumental kurtsoak, musika formakuntza kurtsoak eta praktika kolektiboko kurtsoak eskaintzen ditu 7 urtetik goitikoentzat. Bestalde, 4-5 urtekoendako musika iratzartzea proposatzen du, bai eta 6 urteendako musikan hasteko lehen urratsak ere.

Musika tresna tradizionalak (gaita, alboka, txistua, panderoa, trikia) eta "klasikoak" (pianoa, gitarra, biolina, bateria, saxofoia, klarinetea, zeharkako flauta, tronpeta...) ikastea proposatzen du. Bestalde, musika eskolak pandero-praktikak ere eskaintzen ditu eskolako opor garaian.