Entzun Ikus (Gure irratia)

Gure Irratia elkarte irrati bat da. Helburua du, euskarazko irrati emankizunak sortu, ekoiztu eta hedatzea, bereziki Lapurdiko eremuan uhinen bidez, eta mundu guzian, sarearen bidez. Euskara, euskararen hedapena, euskararen normalizazioa, euskal kultura eta honek dituen adar guzien garapena ditu lan ardatz nagusiak. Hurbileko hedabide bat da, elkarte gisa dabilena, eta lekuko protagonista nagusiei hitza ematen duena, izan kultura, politika, kirola edo beste alor ezberdinetan. Lekuko informazioa jorratzea du xede, Euskal Herria bere osotasunean kontutan harturik, baina nazioarteari begira ere jartzen da. Hortarako, langileez gain, laguntzaile frankoren elkarlana baliatzen du bere programazioa osatzeko.