Leinua taldeko kaskarot ttipiak dantzan

Tradizioa eta sorkuntza uztartzen dituen bide berezia eta zorrotza hartuz, Leinua, euskal arte herrikoiaren konpainiak gaurko euskal dantza biziaren ideia defendatzen du. Hogeita hamar bat dantzari eta musikari trebatuek osatzen duten konpainiak ikusgarriak aurkezten ditu Frantziako lurralde ezberdinetan eta munduan gaindi (Hego Korea, Kanada, Maroko, Hungaria, Irlanda, Alemania, Herbehereak, Gales, Suitza, Portugal, Espainia…) Euskal Herrian ere oso aktiboa da. Pasa den hilabetean inauteriaren karietara kaskarot ttipiak segitu ditugu.

150 neska eta mutil dantzari baino gehiagok hornitzen duten Leinua Eskola Leinua Konpainiaren mintegia da. Konpetentzia handia duten arduradunek irakaskuntza segurtatzen dute. Leinua Eskolako dantzari motibatuenak Maurice Ravel-Euskal Herriko kontserbatoriak ematen duen irakaskuntza gehigarriaren ukatera bultzatuak dira.

Zein da Leinua taldearen helburua?
Euskal dantzaren transmisioa laguntzea eta distiraduran parte hartzea, hona laburbilduz Leinua elkartearen helburu kultural eta artistikoa. Horretarako, Leinuaren ekintza egitaraua lau ardatzen inguruan oinarritzen da. 

Euskal dantzarako formakuntza eta ikusgarrien ekoizpena
Txikitatik euskal dantzaren irakaskuntza baitezpadakoa da eta horrek formatzaile frangoren inplikazioa galdegiten du. Paraleloki, ohizko musika talde bat sortua izan da animazioetan eta ikusgarrietan Leinuako dantzariekin – txiki ala handi – aritzeko.

Euskal dantzaren praktika sozialaren garapena
Urteak joan, urteak jin, Leinua inplikatzen edota ekitaldiak antolatzen ditu (ohiko dantzaldiak, tailerrak…) eta horrela, euskal dantzaren praktika amankomunak arrapizten laguntzen ditu.

Euskal dantza bere osotasunean: begiratzen diogunari bainan ere partekatzen duguna mutxikoen eta beste euskal dantza bateratzaileen inguruan. Leinua Konpainiak bideratzen dituen ekintza artistikoetaz gain, musikariek dantzariak lagun euskal dantzaren eta musikaren praktika sozialaren aldeko egitasmoak garatzen dituzte: Baionako bestetako "Dantzazpi" edo "Karrikaldi" hitzorduetan, "Hiruak Dantzan" ...