Lehen aldikotz Batekmila Bartzelonan eta katalunieraz (2010)

"Linguamón" Kataluniako Hizkuntzen Etxearekin eta Bartzelonako Euskal etxearekin partaidetzan, Euskal kultur erakundeak "Batekmila Euskal munduak" multimedia erakusketa Kataluniako hiriburuan aurkeztuko du 2010eko martxoaren 18tik apirilaren 14era (Bartzelonako unibertsitate publikoan).

Batekmila Bartzelonan
Batekmila Bartzelonan
Estreinatu zenetik 2007an « Batekmila Euskal munduak » erakusketa 12 tokitan erakutsia izan da. Euskal Herrian (Baionan, Donostian, Bilbon, Gasteizen eta Iruñean besteak beste) baita Frantziako Bordelen, Albin eta Ambarès & Lagraven ere. Herri guzi horietan arrakasta gaitza bildu du, gazteenen ganik batez ere, bere alde elkarreragile eta ludiko direla medio.

Bartzelonako, erakusketaren eduki guziak (bideoak, panelak eta aplikazioak) katalunieraz itzuliak izan dira, "Linguamón" Kataluniako Hizkuntzen Etxearen partaidetzari esker. Gainera, Bartzelonako euskaldunen bideo-lekukotasunak biltzen dituen aplikazio batez aberastuko da erakusketa karia hortara (Bartzelonako Euskal etxeak egin elkarrizketez osaturik).

Bartzelonatik landa Batekmila Parisera joanen da 2010eko uztailean (17. auzoko Herriko etxean aurkeztua izango da agorril arte).  

Bestalde, Euskal kultur erakundea lanean ari da erakusketaren entzun-ikus edukiak sarean ezartzeko, 2010eko ekaineko, bost hizkuntzetako (euskaraz, frantsesez, gazteleraz, inglesez, eta katalunieraz) internet aplikazio berezi batean. Oraino publiko zabalago baten gana iristeko parada izanen da eta erakusketa ikusia dutenek gustoko edukiek nahi bezainbat begiratzen ahalko dituzte etxetik.

« Batekmila Euskal munduak » erakusketa Euskal kultur erakundeak ekoiztua du Gipuzkoako Diputazioko Kultura Zuzendaritzaren eta Koldo Mitxelena kulturunearen laguntzarekin. 

Erakusketaren estreinaldia

Martxoaren 18an, 18:30etan : Bartzelonako Unibertsitate publikoko eraikin historikoko sarrera gelan.

"Batekmila Euskal munduak" erakusketaren aurkezpena Bartzelonako euskal etxeak antolatu « Literaldia » (http://literaldia.com) euskal literatura garaikidearen inguruko festibalaren programaren barnean sartzen da.