Sustrai COLINA

IZEN-DEITURAK: COLINA ACORDARREMENTERIA, Sustrai
SORTEGUNA: 1982/X/20
SORLEKUA:Urruña (Lapurdi)
OFIZIOA: Zuzenbidean lizentziatua
BIZILEKUA: Iruñea (Nafarroa)
MOTA: bat-bateko bertsuak

BIOGRAFIA

1982ko urriaren 20an sortu da Sustrai Colina. Zuzenbidean lizentziatu zen Baionako Unibertsitatean. Bertsogintzaz gain, gidoilari eta kazetaritza lanak egin ditu batez ere; 2016an Rikardo Arregi Saria eskuratu zuen, Argia aldizkarian egindako elkarrizketengatik. Hendaiako bertso-eskolan eman zituen lehen pausoak, eta geroago irakasle izan zen bertan zein Iruñeko bertso-eskolan. 2001etik finalista izan da Euskal Herriko Bertsolari Txapelketa Nagusietan, eta 2014ko eta 2016ko Xilabako txapelak bereak ditu.

Lehen urratsak Hendaiako bertsu-eskolan egin ditu. Ez daki zerk edo nork bertsuzaletu duen. Dakiena da, Kexux Arzallusekin hasi zela bertsu-eskolan 8-9 urterekin edo. Lehen plaza egin zuen 1992an, Gipuzkoako Eskolarteko Txapelketako kanporaketan, Donostiako Santo Tomas lizeoan (Amets eta Itsaso Arzallus taldekide zituela).

• Gehiago jakin (BDB bertsolaritzaren datu-basea)

BERTSU TXAPELKETAK :

• Iparraldeko Bertsulari Gazteen Txapelketa 2000: txapeldun
• Euskal Herriko Eskolarteko Txapelketa 2000: txapeldun
• Nafarroako txapelketa 2000: finalista (laugarren)
• Nafarroako txapelketa 2001: finalista (laugarren)
• Nafarroako txapelketa 2002: txapeldun orde
• Txapelketa nagusia 2001, 2005, 2009, 2013, 2017 : finalista
• Xilaba 2008: txapeldunorde
• Xilaba 2010: finalista
• Xilaba 2012: finalista (hirugarren)
• Xilaba 2014: xapeldun
• Xilaba 2016: xapeldun

BAT-BATEKO SARIKETAK

• Axari saria (Idiazabal) 2001: parte hartzaile
• Berritxu saria 1999: finalista
• Mattin saria (Ahetze) 2000: txapeldunorde
• Oiartzungo txapelketa 2000: parte hartzaile
• Xenpelar saria (Errenteria) 2000: finalista (hirugarren)

BERTSU PAPER LEHIAKETAK

• Kabi Goitia bertso-paper lehiaketa 1999: lehen eta bigarren saria (17 urtetik beherakoen mailan)
• Lazkao-Txiki bertso-paper lehiaketa 1999: hirugarren saria (14-18 urte artekoen mailan)
• Manuel Lekuona bertso-paper lehiaketa 1999: lehen saria (16 urtetik beherakoen mailan)

Beste motako baliabideak:

• Euskal kultur erakundeak 2004ko udazkenean egin elkarrizketaren laburpena (PDF)
• "Bertsolaritza bat-bateko lan bat da, baina atzetik elikatzea eskatzen dizu" - Elkarrizketa (2022)