Fernando Amezketarratik Andoni Egañaraino

Gipuzkoa da, oroz gainetik, bertsulari gehien eman dituen lurraldea eta Fernando Amezketarra (1764-1823) ezagutzen dugun lehen bertsulari gipuzkoarra da.

Uztapide eta Basarri
Uztapide eta Basarri
Bestalde, Pastor Izuela izan da bertsu paperak saldu dituen lehena.  Xenpelar, Iparragirre, Bilintx, Pello Errota, Txirrita, Uztapide, eta Basarri ospetsuak aipatu behar dira ere.

Zizurkileko Otaño sendian bederen hiru ziren, eta Pedro-Mari hirugarren aldikotz Ameriketara joan zelarik, jendea, ehunka, Pasaiako kaia bazterrean bildu zen haren azken bertsuen entzuteko eta hari esker onen emateko.

Nola ez aipa ere Koxe Lizaso, Lazkano, Mitxelena, Lasarte, Aguirre, Lazkaotxiki, Garmendia, Gorotxategi, gerra zibilaren ondotik, batzuetan zentsurari buru eginez, anitz bertsu eman dituztenak,  Basarri eta Uztapide bikote ezin bereiziarekin batean.

Andoni Egaña eta Sebastian Lizaso: aparteko bi bertsulari (argazkia: Séverine Dabadie)
Andoni Egaña eta Sebastian Lizaso: aparteko bi bertsulari (argazkia: Séverine Dabadie)
1980tik goiti, aparteko bertsulariak agertu dira, hala nola Sebastian Lizaso, Anjel Mari Peñagarikano, Iñaki Murua, Mikel Mendizabal, Andoni Egaña (lau aldiz txapelduna izan dena), Aitor Mendiluze, Jexux Mari Irazu, Jon Maia, Jokin Sorozabal eta beste anitz...

Gizon guzi horien artean, emazte bakar bat iritsi da goi mailara : Maialen Lujambio Hernaniarra.