Euskal kultur erakundeak eskaturik Iparraldean iragan diren 2022ko Bertsolari Txapelketa Nagusiko hiru saio segitu ditu Patxi Beltzaiz (1973, Baiona) argazkilariak. Bere argazkiek saioen alde gorde eta ezezaguna islatzen dute, kultura gertakari horien antolaketa ahalbideratzen duen ahalegin kolektiboa nabarmenduz, bertsolari gazte bolondresen ekarpena agerian utziz.
Bertsolari Txapelketa Nagusia 2022an itzuli da. Alabaina, orain arteko azkena 2017an izan zen. Irailaren 24tik abenduaren 18ra, Bertsolari hoberenak Euskal Herri osoko toki ezberdinetan elkartzen dira. Hiru hitzordu izan dira ipar Euskal Herrian. Lehena Gotaine-Irabarnen (Xiberoa) urriaren 1.ean, finalaurreko lehen itzuliko saio bat Donibane Garazin (Nafarroa Beherea) urriaren 29an eta finalaurreko bigarren itzuliko saio bat Baionan (Lapurdi) azaroaren 26an.
Euskal kultur erakundeak eskaturik, ipar Euskal Herriko hiru saioetan izan naiz, eta bereziki hiru egun horien antolaketa jarraitu dut.
Autoantolaketa bat da, goizetik hasten dena hogei bat laguneko talde batekin, horietan Euskal Herriko Bertsozale Elkarteko bolondresak edo Lankuko nahiz Bertsoa.eus-eko teknikariak.
Saioak egin ahal izateko, lehenik eszenatokia muntatu behar da, argiztapen eta soinuarekin, ehunka kadira ezarri behar dira, kamerak lotu… Eguerditan, sagarno eta arno botila batzuz lagundu bazkaria prestatu behar da.
Ondoren, bertsolariei, epaileei eta gai-emaileari ongi etorria egiten zaie. Publikoa heldu da, txartelak kontrolatu behar dira, xehetasunak eman…
17:00ak dira, saioa has daiteke.
20:00ak aldean, dena erabakia da, eszenatokia desmuntatu eta gela altxatu behar da.
Gazte anitzek parte hartzen dute Bertsolari Txapelketa Nagusiaren antolaketa ahalbideratzen duen ahalegin kolektibo horretan. Sostengu aktiboa ekartzen duten horiek bertsolariak dira ere, baina egun horretan gertakari baten antolaketan parte hartzen dute beste bertsolari batzuentzat.
Nere aldetik, egun horietan ezagutu ditudan pertsona guziak eskertu nahi ditut eta bereziki Ortzi Idoate, tolerantzia handia erakutsi baitu nerekiko.
Patxi Beltzaiz
