Herriko bozak

Hona hemen, bi zatitxo, lehenago ikusi dugun Pakoren gogoetak :

Pako Ene aitzineko botoilekin mintza ? Zer diotet erranen ?

Bat, xuritik da, bertzea gorritik.

Xuria, apez arnoa Horrek badik begitako grazia bat, gorriak ez duena

Bixkotxekilako arnoa. Horrek badik ere bere esker, bere garbi,

bere handikari berezia. Jateko leunekin zerbitzatzen dena,

norbait direneri noiz-nahi eskain ditakena, ohorezko arnoa,

andere gazte kriketa, arno xuria.

Hi berriz, gorria Iluna hizalakotz, irri gutiago duk hire begitartean.

Erakina izan hizalakotz, motelago eta hilago hiz.

Eskas duk biziaren ñirñira, zalapartaren kirkira

Gaizo arno gorria. Edozoinen arnoa Jateko larriekin hi hute usatzen

Egun guzitakoa, mutur zuri eta esku finek guti hute perekatzen.

Ez izanik ere igandetakoa, halere ederra hiz, sanoa,

sustengorra, zerbitzari leial zaharra, arno gorria !

Orai, zoin iduritzen zaizue dela gomeni enetzat : zuria edo gorria ?

Pako Ha, nun ditiat paperak ? Hemen daukat zuriena eta hemen gorriena.

    Hauk gauza pollitak ! Hauek badutela gero errespetu

    Ni, beti azken mementoan boza emaitera etortzen nuk

    Hauk eskutan ditudano, alabainan, norbait nuk

Zeren-eta, aitor-azue, denek zuen baitan mesprexatzen nauzue

Bainan denak ixilik zagozte, hunako paper pollit hau

nahi duzuelakotz zuenganatu.

Paper hau untzian ezarri ordutik, deus ez diat balioko zuentzat.

Deus, zuen ostikoentzat ere ez nuk on izanen.

Hortakotz ditiat paper hauk, ahal bezen luzaz eskuetan beiratzen

Hau, zuena zuriak ! Eta hau zuena, gorriak Sofri hor !

Biba gorriak ! (eta edaten du gorritik).

Haatik, ez uste izan, zuek zuriak,

baitezpada gorrieri emango dudala ene botza.

Berdin zurieri eman zezakeat

To, nahi baduzue ariko gaituk tratuan :

ean nork eskainiko dauten gehienik

Mintza zaizte