Tradizioa & berrikuntza: identitatea denboran zehar
Euskal kultur erakundeak eta Pariseko EHESS Gizarte Zientzietako Goi Mailako Ikasketen Eskolak partaidetzan sortu duten Euskal etnopoloaren hirugarren kolokioa 2019ko ekainaren 13 eta 14an iragan zen Baionako Euskal museoan.
Ikusmoldeak aldatu direla erran genezake. Gaur, tradizioa, ez da iraganetik orainera datorren ezinbesteko mugimendua bezala irudikatua.
Alde batetik, ezin baita ohidura baten aspaldikotasuna eta iraunkortasuna neurtu eta frogatu. Bestetik, jakina baita gaurko jendarteak kulturaren eragile izan nahi duela eta tradiziotik atxiki nahi duenaren erabakitzaile. Ohidurak ez ditu erreproduzitu nahi baina bai bereganatu, berrituz bereganatu…
Kultura beti berrituz baldin badoa, nola iraun dezake beraz kultura-nortasunak denboran?
Galdera honi erantzun nahi lioke Tradizioa eta berrikuntza: identitatea denboran zehar lemapean antolatu kolokioak, herrialde desberdinen esperientziak (Euskal Herria, Frantzia, Europa Ekialdea, Erdialdeko Amerika), arlo zientifikoak (antropologia, soziologia, historia, politika) eta artistikoak (arkitektura, diseinua, dantza, musika, gastronomia, arte plastikoak) gurutzatuz. Kulturek aldatuz baizik iraun dezaketela, kodigo berriak asmatuz edo zaharkituak berrituz, erronka honen azterketa zuten jardunaldiek helburu.
Hizlariak eta ekarpenak
- Aguirre, Peio, "Azken berrogeita hamar urte hauetako euskal artearen ondarea eta historizitatea"
- Bravo, Luis, "Tradizioa, nortasuna eta dantza tradizionalaren taularatzea Oaxaca-n, Mexikon"
- Cavaillé, Jean-Pierre, "Nortasuna eta tradizioak manouche munduan"
- Galent, Marcin, "Migrazioa eta identitate nazionalaren eraikuntza. Poloniako historiaren gora beherak"
- Hance, Cléa, "Tradizioen zaintzeko, zein lege? Kultura eskubideak eta haien aplikatzea"
- Laborde, Denis, "Euskaldun izan segurtasun ezan"
- Leibar, Xavier & Iratzoki, Jean-Louis, "Sorkuntza askatasuna: noraino joan daiteke?"
- Leizaola, Aitzpea, "Tradizioa identitatearen euskarri eta akuilu. Euskal Herriko adibide zenbait"
- Lenclud, Gérard, "Teseoren itsasontziaren enkantean saltzea"
- Marticorena, Alain, "Atelier Passion Bois-ko maiasturuekin topaketa"
- Meyzie, Philippe, "Tokiko sukaldaritza eta eta ekoizpenak: sukaldaritza nortasunen eraikuntza Frantzian, XVII-XX. mendeetan"
- Sekowski, Pawel, "Zer da polones izaitea Frantzian: polones etorkinen elkarte biziaren bilakaera (1919-1949)"
- Zubelzu, Imanol, "Euskal sukaldaritza, atzo, gaur eta bihar"
Terexa Lekumberri & Alaia Cachenaut
