IBILKI programa

Iparraldeko Herriko Etxeetako kultura zerbitzuekin izenpetu urte batzuetako partaidetza hitzarmenen bidez, badu urte frango Euskal kultur erakundeak euskarazko ikusgarrigintzaren hedapena suharki sostengatzen duela.

Arte eszenikoen hedapena hobeki laguntzeko eta ipar Euskal Herri mailako egiazko hedapen ibilbide bat osatzeko asmoz euskarazko kulturarentzat, EKE-k Ibilki programa abiatu du 2013an. Urtero hamar bat hiri elkartuz, EKE-k animatu programa honek euskarazko antzerkiaren, zinemaren, dantzaren edo musikaren hedapenean inplikatuak diren eragile horiei kultur sorkuntzetaz iritziak trukatzeko eta beren ahalak eta gaitasunak batzeko aukera ematen die.
Denboraldi berri guziz beraz, sareko kideek egin proposamenak aztertu eta, ikusgarri batzuk hautatuak dira lurraldeko toki ezberdinetan hedatuak izateko.

Hauek dira EKE-k eta bere partaideek Ibilki programaren bidez finkatu helburuak:

• euskarazko kulturaren hedapena sostengatzea lurraldean;
• euskarazko kulturari dinamika berri bat ematea;
• euskarazko kulturaren publikoa berritu eta garatzea;
• euskarazko kulturaren programatzaile sare bat sortzea lurraldean.

Orain arte partaide izan diren herriak

1. Ainhoa
2. Angeluko hiria
3. Arrosako herria
4. Azkaineko herria
5. Baigorriko herria
6. Baionako hiria
7. Bastidako hiria
8. Beskoitzeko herria
9. Bidarteko hiria
10. Biriatuko herria
11. Donapaleu
12. Donazaharreko herria
13. Donibane Garaziko herria
14. Donibane Lohizuneko hiria
15. Hendaiako hiria
16. Hiriburuko hiria
17. Kanbo
18. Larresoroko herria
19. Mauleko hiria
20. Miarritzeko hiria
21. Sara
22. Senpereko hiria
23. Urruñako herria
24. Ziburuko herria