Bi aldeen betebehar orokorrak

Elkarteak hitzematen du:

• Proiektuaren aitzinamenduaren berri ematea EKE-ri.
• Proiektua sortzeko eta gauzatzeko behar diren urrats guziak betezea (baimenen lortzea; gastu guzien ordaintzea, fiskalak, sozialak eta egile eskubideak barne; beharrezko asurantzak hartzea…). Elkartea, proiektuaren arduradun bakarra da. EKE-ren erantzukizuna ezingo da edozein arrazoirengatik bilatu.
• EKE-rekin duen partaidetza aipatzea eta EKE-ren logotipoa jartzea lagundua den proiektuaren komunikazio edo informazioa euskarri guzietan.
• EKE-ri komunikaziorako beharrezkoak diren elementuak ematea: deskribapen elebiduna, data(k), kokapena(k), ordua(k), irudia(k)…
• EKE lagundutako ekitaldira gomitatzea edo EKE-ri sortutako euskarriaren kopia ematea.
• Ekitaldia obratu ondoan eta berantenaz 2025eko uztailaren 31ko, ekintzen bilduma, diru konduak eta egiaztagiriak EKE-ri igortzea.
• EKE-ko Biltzar Nagusian parte hartzea.

Euskal kultur erakundeak hitzematen du:

• Bere laguntza ematea, hitzarmen honen 2. artikuluan idatzi eta adostu bezala.
• Bere laguntza eskaintzea proiektua sortzeko edota gauzatzeko.
• Dituen baliabide guzien bidez proiektuaren berri ematea (eke.eus-eko agenda eta berripapera, sare sozialak).
• Elkartea bere Biltzar Nagusira gomitatzea.