2012ko deialdia

Hogei'ta" labelaren kari, Euskal kultur erakundea eta Baiona Akitania Hegoaldeko Eszena nazionala elkartu dira, egitasmo artistikoetarako deialdi baten abian ezartzeko, antzerkiaren, dantzaren eta zirkoaren alorretan.

Egitasmo deialdiaren helburua

Talentu berrien agerpena lagunduz (zuzendari, koreografo), proposamen artistikoek euskal hizkuntza eta kulturaren elementuak berrinterpretatu beharko dituzte. Antzerkiaren alorrean Testu baten antzezpena baldin bada, nahitaez euskaraz jokatua izan beharko da. Obra original bat, jadanik agertu testu bat edo itzulpen bat izan daiteke. Ikus-antzerkia, musika antzerkia, karrikako antzerkiaren inguruko egitasmo guziak kontutan hartuak izanen dira.

Hautagaitza & eginbeharrak

Egitasmo deialdia 35 urtez petikako artista edo artista kolektiboeri zuzendua da. Egitasmoak txosten moldean aurkeztuak izanen dira, edukin hauekin:

  • hautagaia edo kolektiboko kideen CV-a,
  • egitasmoaren aurkezpen zehatza antzezpen edo koreografia asmo batekin,
  • aurreikusi talde artistikoaren aurkezpena,
  • produkzio aurrekontu bat,
  • hala gertatuz gero, aitzineko egitasmoen aurkezpena.

Testu original baten antzezpen egitasmoaren kasuan, testua txostenari erantsia izanen zaio.

Hautaketarako irizpideak

  • Desmartxa artistikoaren berritasuna eta zorroztasuna
  • Sorkuntzaren mediazioa publiko desberdinentzat, eskoletakoak barne.

Egitasmo sorkuntzaren alde

Egitasmo artistiko bat atxikia izanen da. Euskal Kultur Erakundea eta Scène nationale Bayonne – Sud-Aquitain egiturek egitasmoen egingarritasuna lagunduko dute:

  • diru mailako parte hartzea koproduktore gisa,
  • artista egonaldia,
  • laguntza teknikoak,
  • ikuskizunen harrera eta laguntzak hedapenerako.

Egutegia

Hautagaitza deialdia: 2011ko azaroa Hautagaitzen epea: 2012ko martxoaren 20a Egitasmoen hautaketa: 2012ko apirila Sorkuntza datak: 2012 – 2013 & 2013 – 2014 denboraldiak

Hautagaitza txostenen pausatzea

Institut culturel basque/Euskal Kultur Erakundea Lota Jauregia - 64480 UZTARITZE Tel.: +33 (0)5 59 93 25 25 – Telekopia: +33 (0)5 59 93 06 84

Scène nationale Bayonne – Sud-Aquitain 1, Edouard-Ducéré karrika - 64100 BAIONA Tel. : +33 (0)5 59 55 85 05 – Telekopia: +33 (0)5 59 55 21 70 scenenationale@snbsa.fr