Euskal kultur erakundearen argitalpenak (2000-2008)

Maiz betiko irudiak ditugu iparraldea aipatzerakoan. Urteak joan, urteak jin, muga psikologikoak beti hor ditugu, funtsean bi aldeetara... "Iparraldea XXI" dokumental labur honekin honekin, Euskal kultur erakundeak Iparraldeko gaurko errealitatea erakutsi nahi izan du.

"Kantuketan - Ocora Radio France" diska bikoitza, besteak beste, Euskal kultur erakundeak France Bleu Pays Basque irratiarekin egin lanaren fruitua da, aspaldiko irrati emankizunetatik bildu altxor ezinago preziosak entzungai baitira (zaharrenak 1970eko hastapenekoak direnean).

"Kantuketan" CD Rom-a
100 euskal kantu inguru gozagai joko desberdinen bidez ! Bost jokoz osatzen da CD-ROM hau, hauetako bakoitza munduko kontinente batean kokatuta.
6 eta 12 urte arteko haurrentzat

"Kantuketan" liburua
Euskal kantuaz ikerlari batzuk Kantuketan programaren barnean ontu erdarazko ikerketen eta artikuluen bilduma da Kantuketan liburua. Anitzek igurikatzen zuten lan baliosa.

"Euskal Herria Joan Jinean" bideoa
"Euskal Herria joan-jinean" 10 minututako bideo dokumentalarekin, Euskal kultur erakundeak eskaini izan nahi dio publikoari dokumentu labur, dinamiko bat, gaur egungo Euskal Herria orokortasun batean aurkezten duena.

"Euskara, euskaldunen hizkuntza" plaketa
Euskararen inguruko xehetasun guziak fitxa bakar batean:
Historia, Berezitasunak, Literatura, Irakaskuntza, Egoera soziolinguistikoa

"Herrietako kanpo seinaletza publikoa" plaketa
Dokumentu hau kanpo seinaletza publiko elebidunaren gaia lantzen du. Honen bidez, oinarrizko aholko batzu emanak dira herriko seinaletza elebiduna alhan ezarria izan dadin euskarri publiko guzietan (norabide seinaleak, sartze eta ateratze panoak, hurbileko seinaletza, karriketako plakak...).

"Xalbador, bat-bateko mirakulua
Euskal Herriko hainbat plaza kurritu zituen Xalbador zenaren bat-bateko bertsuak ere, han-hemenka zeuden eta Xabier Amurizari gogora jin zitzaion bilketa baten egitea. Xede hori jakin orduko, Euskal kultur erakundeak bere sustengua ekarri dio Kantuketan programaren barnean, besteak beste errezitalak antolatuz.

Alegiak - Haurrock eta gomitak
Phillipe Alborrek musikatu ditu ikasleek landu dituzten alegiak. Haurrock taldeko gazteek baita zonbait gomitek ematen dituzte entzutera 2006ko ekainean plazaratu "Haurrock eta gomitak - Alegiak" diskan.

Gure asmoa, etxeetan zein eskoletan erabiliko den Euskal Herriari buruzko DVDa garatzea izan da, baina hartzaileak Euskal Herriko zein atzerriko herritarrak izan daitezkeenez, informazio guztia lau hizkuntzatan prestatuta dago: euskaraz, gaztelaniaz, frantsesez eta ingelesez.

www.eke.org extranetari buruzko oinarrizko jakintza eta teknika guziak CD-ROM elebidun batean bildurik euskal kultura biziaren eragileek beren informazioak sarean ezar ditzaten www.eke.org atariaren bidez.