Sarako Biltzarraren karietara, EKE-k liburugintzako profesionalei zuzendu egun bat antolatzen du

2010az geroz BILKETA proiektuarekin bat eginik, Euskal kultur erakundeak irakurketa publikoaren profesionalen sareari zuzendu euskararen eta euskal kulturaren inguruko sentsibilizazio egunak antolatzen ditu, Baionako Mediatekaren eta Biblio64-ren partaidetzarekin. 2019az geroz, egun profesional bat antolatua da Ipar Euskal Herriko hitzordu nagusia den Sarako Biltzarraren karietara.

Urriaren 10ean iraganen diren ohiko liburu aurkezpen eta mintzaldiez gain, Sarako Idazleen Biltzarraren 38. edizioak emazteak eta euskal literaturari buruzko egun profesionala errezibituko du urriaren 11n, astelehenarekin. EKE-k, Sarako Biltzarrak, BILKETA sareak eta Biblio64-k antolatzen duten eduki aberats eta anitzeko egun hau, argitaletxeei, liburu saltzaileei, liburuzainei, idazleei, irakasleei, itzultzaileei edota ikasleei zuzendua da. Irakurketa publikoaren profesionalen jarraitzeko programaren barnean antolatzen diren topaketa guzietan bezala, eguna euskaraz iraganen da, bat-bateko itzulpenarekin frantsesera.

Xehetasunak

• Izen ematea sarean edo stephanie.medrano@le64.fr helbidera idatziz
• Harremana: Maia Etchandy (EKE) - maia.etchandy@eke.eus / 05 59 93 38 72
• Egun profesionalaren egitaraua (PDF)
• Sarako Idazleen Biltzarraren 38. edizioaren egitaraua (PDF)
• Irakurketa publikoaren profesionalen jarraitzeko programa