"Pozgarria da" diskoa: Bitoriano Gandiagaren poesiaren eta musika garaikidearen bidegurutzean

2021/11/09

Johañe Etchebest

2021/11/09

2020an Euskal kultur erakundeak 30 urte bete zituen. Karia hortara, Akitania Hegoaldeko Eszena nazionalarekin partaidetzan, Petar Klanac konpositore euskal-kroaziarrari musika sorkuntza garaikide bat idaztea galdetu zion, Bitoriano Gandiagaren olerkietan oinarriturik. Belarri disketxeak argitaratu berri du Pozgarria da izeneko sorkuntza horren zuzeneko grabaketa.

"Pozgarria da" diskoa: Bitoriano Gandiagaren poesiaren eta musika garaikidearen bidegurutzean — © Peter Klanac

Bitoriano Gandiaga (1928-2001) idazlearen olerkietan oinarritu (ikus aukeratu ziren olerkiak) eta Ensemble 0 taldeak interpretatu Pozgarria da ikusgarria, hasiera batean 2020ko azaroan eta ondotik 2021eko apirilean programatua izan zen. Azkenean, agorrilaren 27an emana izan zen Urruñako elizan.