2025ean, EKE-k Zineskola dispositiboa berriz martxan emanen du
Marion Lastiri
2024/12/01
ZINESKOLA: irakasleen egunak filmen aurre-proiekzio batekin
Aurten bi film hautatuak izan dira ZINESKOLA irudi heziketa dispositiboaren baitan: Yuku eta himalaiako lorea 1. eta 2. ziklokoei zuzendua (CE1a arte) eta Ainbo 2. eta 3. ziklokoei zuzendua (CE2-CM2). Ikasleendako emanaldiak Ipar Euskal Herriko lurraldeko zinegeletan 2024ko martxoa eta apirila artean iraganen dira.
ZINESKOLA dispositiboa Euskal kultur erakundeak du antolatzen ondoko partaideekin: Zukugailua, Cinéma & Cultures, Cinévasion, IKAS euskal pedagogia zerbitzua, Hezkunde Nazionala eta Zineuskadi.
Helburuak honako hauek dira:
- Euskarazko animazio film interesgarriak proposatu euskara irakasleei eta haien lehen mailako ikasleei
- Laguntza pedagogiko egoki bat eskaini
- Euskara eskolatik kanpo erabiltzeko parada eman
Aintzinetik, dispositiboan parte hartu nahi duten irakasleei bi egun erdi berezi proposatuak zaizkie filmen inguruan:
- 2024ko urtarrilaren 17an - 9:30-12:30 - Lapurdi gela, Uztaritze - Ainbo (2021, Peru) - Aurre-proiekzioa eta ustiapenaren aurkezpena
- 2024ko urtarrilaren 24an - 9:30-12:30 - L’Aiglon zinegela, Kanbo - Yuku eta Himalaiako lorea (2022, Belgika) - Aurre-proiekzioa eta ustiapenaren aurkezpena
Filmen aurre-proiekzioa eta aholkulari pedagogiko taldeak filmen inguruan prestatuko material eta ustiapen pedagogikoaren aurkezpena egina izanen da.
Gehiago jakin
- ZINESKOLA 2023-2024
- Antolaketa: Zukugailua elkartea
Harpidetu doan gure buletinera
Euskal kultur erakundearen berripapera (Hilabetean behin)
