Iparraldeko egiturak Durangoko Azokaren 57.edizioan

Gerediaga elkarte antolatzailearen eta Euskal kultur erakundearen artean 2006an abiatu partaidetzari esker, argitaletxeek, disketxeek eta kultura elkarteek dirulaguntza bat eta laguntza tekniko bat ukaiten dute. Horrela, erakusmahaia merkeago alokatzen ahal dute eta errazago sartzen ahal dira azokaren programazioan (ikusgarriak, kontzertuak, liburu aurkezpenak, mintzaldiak, eztabaidak, ...).

Ondorioz, ipar Euskal Herriko idazleen eta artisten presentzia areagotu da azken urteotan. Bestalde, ipar Euskal Herriko ekoizpenaren ikusgarritasuna hobetzeko, denak eremu batean elkartuak izan dira.

Gainera, EKE-k urtero  ipar Euskal Herriko egituren berritasunak biltzen dituen katalogo bat  egiten du, prentsaurreko batean aurkeztua dena eta ondotik lurraldeko liburutegi-mediateketan banatua dena. Berritasunen katalogo hau, urteko ipar Euskal Herriko liburu eta diskoen ekoizpena biltzen duen bakarra da eta horri esker ekoizpen hori agerian ezarria da.

Gerediaga elkartearekilako partaidetzaren bidez, hauek dira EKE-k dituen helburuak:

• Ipar Euskal Herriko argitaletxeek, disketxeek eta kultura elkarteek Durangoko Azokan
  duten presentzia erraztea
• Azokan duten ikuspena handitzea
• Ipar Euskal Herriko literatura, musika eta ikus-entzunezko ekoizpenari ikuspen hobea
  eskaintzea lurraldean.

Ipar Euskal Herriko egituren ekoizpena Durangoko Azokan, zenbakitan (2022)

• 10 egitura eta  autoekoizle 
• 38 berritasun, horietan  18 liburu, 16 disko, 2 liburu-disko eta  2 bestelako ekoizpen (egutegi, aldizkari)
• 14 kultur ekitaldi (liburu edo disko aurkezpenak)

Gehiago jakin

• Iparraldeko berritasunen katalogoa 2022 (PDF)
• Iparraldeko artistak eta idazleak Durangoko azokan (agenda)
• Durangoko Azokaren aurkezpena
• 57. Durangoko Azoka egitaraua