"Iparra galdu gabe": Getxo, Iparraldeko artisten erakusleihoa

Bi urtetarik behin, Getxoko Hiriak, Euskal kultur erakundearekin elkarlanean, Iparraldeko hainbat artista gomitatzen dituen Iparra galdu gabe diziplina anitzeko festibala antolatzen du. Bi erakundeen artean duela hamabost urte baino gehiago hasitako elkarlanak helburu hauek ditu: Iparraldeko ekoizpen artistikoen eta artisten zirkulazioa erraztea eta sustatzea; Bizkaiko hiriko biztanleei gure baliabide kulturalak ezagutaraztea; baita iparraldearen eta hegoaldearen arteko trukaketa artistikoak biderkatzea ere.

Hala nola, festibalaren 11. edizioak musikari, kantuari, literaturari, zinemari, haur antzerkiari, argazkigintzari edo solasaldiei tokia eskainiko die. Besteak beste, Errobi musika taldearen 50. urteurrenaren ospatzeko kontzertu bakanetako bat ospatuko da bertan. Horrez gain, Estitxu, Maite Idirin eta Lurdes Iriondo kantarien omentzeko gaualdi berezia antolatua izanen da, bai eta Itxaro Borda eta Eneko Bidegain idazleekilako topaketak edo Josu Martinezen Bizkarsoro filmaren aurkezpena ere.

Egitaraua

• Errobi 50.urteurrena - Azaroak 30 - 20:00 - Muxikebarri
• Hiru emazte kantari gogoan -  Azaroak 08 - 20:30 -Azebarri
• Papogorri ipuin musikatua - Azaroak 09 - 17:00 eta 18:30 - Fadura
• Noraezean - Azaroak 09-24 -Benta
• Bizkarsoro - Azaroak 12 eta 13 - Romo Kultur Etxean eta Muxikebarrin
• Iaquin Vahu - Azaroak 15 - 19:00 - Azebarri
• Bihotza Gazte - Azaroak 15 - 20:30 - Azebarri
• Errobi mende erdi - Azaroak 27 - 19:00 - Muxikebarri
• Eneko Bidegain - Azaroak 28 - 19:30 Villamonteko Kultur Etxea
• Getxoko ikasleak Errobi abesten

Gehiago jakin

• Egitaraua (PDF)