Iosune de Goñi Garcia "Nekatoenea" eta "Hugoenea" literatura sorkuntza egonaldi bikoitzaren irabazlea

Aurtengo egonaldiarentzat hautatua izan den Iosune de Goñi Garcia (Burlata, 1993), idazlea, argazkilaria eta itzultzailea da. Halaber, feminista eta kapazitismoaren aurkako aktibista da. Filosofiako Gradua amaitu ondoren, Bartzelonan Literatura, Artea eta Pentsamenduari buruzko Ikasketa konparatuen gradu-ondokoa egin zuen. Hilda Doolittle idazleari buruzko tesia egiten hasi bazen ere, osasun arrazoiengatik utzi behar izan zuen. 2021ean Pasaia Hiria-Xabier Portugal poesia saria irabazi zuen Gorputz baten aztarnak elurretan poema bildumarekin. Iruñeko Udalaren Egile Berrientzako Literatur Lehiaketan ere lehen saria ukan zuen Itzalak uraren azpian lanarekin. Egun itzultzaile gisa egiten du lan.

Iosune de Goñi Garcia Hendaiako Nekatoenea etxean egonen da 2023ko urriaren 9tik azaroaren 2ra, eta Pasaiako Hugoenean azaroaren 7tik 30era. Bi egonaldien denboran, topaketak antolatuak izanen dira, Iosuneren lana deskubritzeko parada eskaintzeko.

Xehetasunak

• CPIE Euskal Itsasbazterra
• Euskal Idazleen Elkartea
• Aitzineko egonaldien saridunak