IBILKI programaren 13. edizioa: kultur eskaintza zabala

2025/01/13

Frank Suarez

frank.suarez@eke.eus

2025/01/13

Euskal kultur erakundeak Iparraldean animatzen duen IBILKI programa euskal ikusgarrigintzaren eta beste adierazpen artistikoen zabalpenaren zerbitzuko emana da, lurraldeko zonbait herriren partaidetzarekin. 2025eko programa berri horren karietara, hainbat antzerki, dantza, musika, zinema eta emanaldi aurreikusiak dira Saran, Urruñan, Hendaian, Maulen, Donapaulen, Kanbon, Baionan, Azkainen eta Donibane Lohizunen.

IBILKI programaren 13. edizioa: kultur eskaintza zabala — "Otempodiz" Ertza konpania

Otsaila eta ekainaren artean, IBILKI programaren baitan, zinema saio bikaina bat, baita ere musika, dantza eta antzerki sailetako hainbat emanaldi proposatuak dira, Euskal Herriko artisten partetik, izan amatur edo profesionalak. Aurten, Euskal Herriko Herri Elkargoaren laguntzaz baliatzen gira Iparraldeko artista profesionalentzat.

Herriekin hurbiletik landua den dispositibo horren bitartez Euskal kultur erakundeak Ipar Euskal Herriko ikusgarri geletan, mediateketan eta plazetan, euskal kulturaren kalitatea, bizitasuna eta aniztasuna ezagutzeko parada eskaini nahi du, hamabost bat emanaldi hamar bat herritan eskainiz.

Uztailetik goiti hasiko den programaren bigarren partea jadanik prestatzen ari gara herri gero eta gehiagorekin.

Ibilki 2025 | Otsaila > Ekaina

Ikusgarria / Ekitaldia	Data	Herria
Pontx pailazoa "Denak plazara!"	Otsailaren 8a	Kanbo
Maxka'roa	Otsailaren 9a	Donibane Lohizune
Magma Mia	Martxoaren 4a	Baiona
Hiru emazte kantari gogoan	Martxoaren 8a	Maule
Euskaldunean jatorria, historria eta irria	Martxoaren 15a	Azkaine
Euskaldunean jatorria, historria eta irria	Martxoaren 28a	Kanbo
Nesken taldea "Badoa"	Apirilaren 12a	Donapaleu
Bilaka "iLaUNA"	Apirilaren 12a	Donapaleu
Bat Egin & Alabena "Loratzen"	Apirilaren 20a	Azkaine
Pantzo Hirigarai "Pantzo Mantshow"	Apirilaren 29a	Baiona
Belarriprest. Nire lehenengo sortzelan Euskaraz	Maiatzaren 17a	Azkaine
"Eukalyptus" Jon Ander Urresti Ugalde	Maiatzaren 24a	Hendaia
Ertza konpainia "Otempodiz"	Maiatzaren 24a	Hendaia
"Irati" filma Paul Urkijo	Maiatzaren 24a	Sara
Ertza konpainia "Otempodiz"	Maiatzaren 25a	Hendaia
Dantzalai konpainia "Fla Fla Fla"	Ekainaren 8a	Urruña
Pontx Pailazoa "Denak plazara!"	Ekainaren 8a	Urruña
Bat Egin konpaina "Altxorraren bila"	Ekainaren 8a	Urruña
Alabena konpainia "Plisti Plasta"	Ekainaren 8a	Urruña
Elirale konpainia "tXiotxioka"	Ekainaren 8a	Urruña