Gure 2025eko Biltzar nagusia Baionan iraganen da

Euskal kultur erakundearen 2025eko Biltzar nagusia heldu den apirilaren 12an, larunbatez, 10:00etan, iraganen da Baionako Technocité gunean. Karia hortara 2024ko ekintzen bilduma eta konduak aurkeztuko dira bozkatuak izateko gisan. Johañe Etchebest zuzendaria paradaz baliatuko da ere EKE-ren 2025eko egitasmoaren norabide nagusien berri emateko. Gure elkartekide guziak gonbidatuta dira egitura honen funtzionamendu egokia bermatzen duen biltzar garrantzitsu honetan parte hartzera.