Euskal kultur erakundearen nortasun grafiko berria plazaratzen ari gara

Gure 2023-2026 bide orria prestatzen ari ginenean, joan den urtean, nahi izan dugu EKE-ren irudi korporatiboa edo nortasun bisuala osoki arraberritu. Hats berri baten ematea zen asmoa, gure komunikazio bisualari koherentzia gehiago eskainiz bide beretik.

Gure balore eta lan egiteko moldearekin bat egiten duen nortasun bisuala

Orain plazaratzen dugun nortasun grafiko hori lantaldearen eta Frantziako Tolosan bizi den Céline Collaud grafistaren (kultura eta arte alorretan berezitua) elkarlanaren emaitza da. Orohar eta nagusiki, EKE-ren filosofia irudikatu nahi duen logotipo berrian gorpuzten da.

• KULTURAko K erdigunean da, kulturak du lotura egiten.
• Hizkiak korapilatuak diren moduak eta beren itxura irregularrak halako giza izpiritu hurbilerraza ematen die.
• Borobilak batasuna sortzen du, eragileen eta erakunde publikoen arteko proiektu amankomun bati buruzko bateratzea.

Logotipoa eta xarta grafikoa osatzen duten elementuak (tipografiak, kolore kodeak, argazkien tratamenduak et objektu grafikoak) erabilerrazak eta deklinagarriak izateko gisan pentsatuak izan dira.

Gure publiko eta partaide desberdinei begira, ekoizten ditugun dokumentu guztien artean halako batasun bat sortzen lagundu beharko lukete. Nortasun bisual berria zabaltzen ari gara gure komunikazio euskarri guztietan.

Oraidanik, eskatzen diegu elkartekideei eta partaideei kontutan hartzea. Logoaren bertsio desberdinak eta erabilpen gida gure webguneko logotekan daude eskuragarri.

Gehiago jakin

• EKE-ren logoteka
• Logoaren erabilpen gida (PDF)