"Eleketa, Xiberoako ahozko oroimenak" erakusketa Maulen ikusgai

2007an, Euskal kultur erakundeak proiektu handi bat hasi zuen: ipar Euskal Herriko biztanleen ahozko memoriaren bilketa. Programa hau, gaur egun Eleketa izenarekin ezagutua dena, Pirinio Atlantikoetako Departamenduaren obragintzapean egiten da, urtero hogeita hamar bat lekukotasun bilduz.

EKE-k Eleketa fondoaren aberastasuna ezagutarazi nahi du. "Eleketa, ahozko memoriak" multimedia erakusketa xede honekin sortua izan da: lurralde bakoitzean bildu lekukotasunak lurraldera itzul daitezen eta jendeak goza ditzan.

Hazparneko lurraldean estreinatu zen 2020an eta 2021eko irailean Donibane Lohizunen erakutsi, Hego Lapurdin bildu altxorrak baloratuz. 2021eko udazkenean Donibane Garaziko herriko etxean ezarri genuen eta 2022ko primaderan Baigorrin.

France 3 Euskal Herriko erreportajea (2023-10-06)

Irailaren 9tik azaroaren 4a arte Maulen izanen da ikusgai. Bertan Xiberoako 65 lekukok (ikus beherago zerrenda eta biografietara loturak) beren bizipenak eta oroimenak aipatuko dizkigute bideo-pasartez pasarte. 

108 bideo-pasarte, artxiboak, 24 erreportaje tematiko, orotara 12 oren lekukotasun ikusgai

Azpimarratzekoa da bideo-pasarteak beren jatorrizko transkripzioarekin eta itzulpenarekin (euskaraz edo frantsesez) aurkeztuak izanen direla erakusketan. Horrela bai euskaldunek bai erdaldunek gozatzen ahalko dituzte urtez urte bildu lekukotasunak.

Maite Barnetche kazetariak (1941-1986) telebista publikoarendako "Euskal Herria orai eta gero" lema pean Xiberoan egin hainbat erreportaje bilduak dira ere erakusketan. 

Bestalde, horien denen osagarri, erakusketan jorratu hainbat gairekin zerikusia duten Baionako euskal museoko ehun bildumetako zonbait objektu eta jantzi ikusten ahal dira karia hortara, partaidetza berezi baten baitan. "Haritik harira" erakusketatik datoz.

Gai nagusiak

Mauleko mediatekan

• Zuberoako artzaingoa eta laborantza 1930etik gaur arte (laborantza mendian eta zelaian, artzaingoa, lanbide osagarriak, 1970-1980 urteetako garapena, Jean Pitrau-ren inguruko engaiamenduak…)
• Zuberoako gizartea eta ekonomia XX. mendean (espartingintza eta zapatagintza, jendarteko harremanak, gerlak, erbestea, euskara eta kultura… )

Mauleko Ondarearen etxean

• Zuberoako pastorala eta maskaradak (Zerk egiten du pastorala?, pastorala idatzi eta eman, pastorala muntatü, maskarada, ihauteetako errituala, maskarada, erritual estetikoa…)

Xehetasunak

• Ordutegiak: ikus agenda
• Argazki-bilduma

Gehiago jakin