Aquitaine.eus: EKE-k mugaz gaineko lankidetzaren alde duen engaiamendua berresten du

2016ko martxoan, Akitania - Euskadi Euroeskualdearekin batera (Euskadi eta Aquitaine - Limousin - Poitou - Charentes Eskualdea biltzen duen Lurralde Lankidetzarako Europako Taldea), Euskal kultur erakundeak eta Etxepare Institutuak Aquitaine.eus izeneko programa bat abiatu zuten. 2017an, Nafarroako Foru Erkidegoak Euroeskualdea integratu zuen eta Nafarroako Gobernuaren Vianako Printzea Erakundea proiektuko kide berria bilakatu zen.

Bere bosgarren urtea bete duen Aquitaine.eus mugaz gaineko lankidetza programaren helburua da, batetik, euskal lanen eta artisten zirkulazioa sustatzea Akitania Berrian, eta bestetik, Akitaniako, Euskadiko eta Nafarroako aktore eta eragile kulturalen arteko harremanak eta lankidetza bultzatzea.

Lankidetza horri esker, proiektu eta lankidetza anitz sortu dira azken urteotan ikusgarrigintzan, literaturan edo arte bisualen alorretan. Lan hori emendatzeko eta segitzeko asmoarekin, lau partaideek hitzarmenaren berritzea izenpetu zuten martxoaren 26an.

2021ean, hainbat ekitaldi antolatuak izan beharko lirateke Aquitaine.eus programaren baitan. Aipatzekoak dira, adibide gisa, Polo Garat-en "Xiberotik" argazki erakusketa, bai eta Oreka TX eta Josetxo Goia-Aribe-ren kontzertua Cenon Herriko Le Rocher de Palmer aretoan (urrian); euskal zinemari buruzko fokusa Bordeleko Utopia zinema gelan (udazkenean); edo hiru euskal konpainien programazioa Libourne-ko "Fest'Arts" festibalean (agorrilan).

Xehetasunak

• Aquitaine.eus programa