Amaia Hennebutte-k Nekatoeneako idazle egonaldia eginen du 2017ko udazkenean

2017/07/26

Johañe Etchebest

2017/07/26

Nekatoenea euskal idazle egonaldiaren zazpigarren edizioaren karietara, Amaia Hennebutte idazlea hautatua izan da. Idazlea 2017ko urria eta azaroaren artean egonen da Hendaiako etxe famatuan haur eta gazteei zuzenduriko eleberri baten idazteko. Euskal kultur erakundea partaide da.

Amaia Hennebutte-k Nekatoeneako idazle egonaldia eginen du 2017ko udazkenean — © Xan Aire

Aurten deialdiaren 7. edizioa izanen da, hiru erakundeen arteko partaidetzan: Euskal kultur erakundea, Euskal Idazleen Elkartea eta NEKaTOENEa, Euskal Itsasbazterreko IEZIren sorkuntza arloa dena.

Aldiro, urtero, idazteko modu bat, estilo bat, pertsona ezberdin bat. Oraingo honetan Amaia Hennebutte idazlea izanen da Nekatoenean instalatuko dena.

Bere hitzetan, "haur poesia aldarrikatu, asmatu eta plazaratu" nahi du. Haurrentzat, bai, baina idazleak esaten digu sortuko dituen bildumetan 103 urte arteko "gazteak" hartuko dituela kontutan…

Amaia Hennebutten nondik norakoa

Lanbidez irakasle, idazle, ikusgarri-sortzaile, marrazkilari, hitzen malabarista ere... haurrengandik gertu izan dena eta sinesten duena txikienek ere poesia merezi dutela, ongi barneratzeko gai direla. Liburu andana argitaratua eta Euskal Herriko zoko guzietan hainbat ikusgarri eskaintzen duena. Lehen urratsa eman dugu, hautaketarena, beste idazleren artean Amaiaren proposamenak kalitate eta fineziaz betea dela frogatu du. Hautaketa egin ondotik, Amaia etorriko zaigu bisitan uda honetan elkarrekin udazkeneko data zehatzak finka ditzagun. Urria eta azaroaren artean lau asteko egonaldia egingo du Abadiako Eremuan.