Arteen Artean, gure kultura plazaratu eta transmititu
Johañe Etchebest
2024/11/04
7. Loraldia festibala: EKE-k elkarlanean segitzen du Bilboko elkartearekin
Euskal kulturaren erakusleihoa den Loraldia festibala 2021eko martxoaren 9tik 28ra iraganen da Bilbon. Euskal kultur erakundearen eta festibala antolatzen duen Loraldia kultur elkartearen artean 2019an garatu izan zen partaidetzari esker, ipar Euskal Herriko artistek toki nabarmena ukanen dute zazpigarren edizio honetako programazioan.
Mugaz gaineko kultura lankidetzaren segitzea eta azkartzea Euskal kultur erakundearen lehentasunetarik bat da. Horrela, Iparraldeko kultura eskaintza sustatzeko eta artisten mugikortasuna laguntzeko asmoarekin, EKE Loraldia festibala antolatzen duen kultur elkartetik hurbildu zen 2019an. 2015ean sortua, Loraldia festibala euskal kulturari dedikatua da. Sorkuntzari toki nabarmena ematen dio, diziplina artistiko guziak uztartuz. Ipar Euskal Herriko artistek ere beren tokia badute beraz.
Aurten hiru ekitaldi programatuak izanen dira EKE-ren partaidetzarekin:
- Martxoaren 13an, larunbatarekin, 12:30etan eta 18:00etan, Azkuna Zentroan: EliralE Konpainia, O!
- Martxoaren 14an, igandearekin, 12:30etan, Itsasmuseumean: AztiHitza. Agustin Xaho
- Martxoaren 23an, asteartearekin, 19:00etan, Bidebarrieta liburutegian: Gaztelondon zer berri
Xehetasunak
- Egitarau osoa (PDF)
- Harremana: Loraldia kultur elkartea - elkartea@loraldia.eus
Harpidetu doan gure buletinera
Euskal kultur erakundearen berripapera (Hilabetean behin)
