Kontzertu Atipikoak 2019ko Baionako bestetan

2019ko Kontzertu Atipikoen egitaraua

• 2019ko uztailaren 26a, ostirala, San Izpirituko "La Collégiale" eliza - San Izpiritu: Oñatiko Ganbara abesbatza

Zuzendaria : Aitor Biain Bidarte

Oñatiko Ganbara Abesbatza 1994an 12 gaztek sortutako ahots nahasien abesbatza da. Urtez urte, ilusio berarekin, taldea haziz joan da, egun, Aitor Biain Bidarteren zuzendaritzapean, 30 pertsona inguruko taldea osatu arte. Errepertorioan mota eta garai guztietako lanak ikus ditzakegu: polifonia, folklorea, gospel, espiritualak,… euskal folkloreak eta gaur egungo konposatzaileek abesbatzaren egitarauetan zati garrantzitsua osatuz. Bi hamarkada baino gehiago bete dituen honetan, Oñatiko Ganbara Abesbatzak hainbat lehiaketetan hartu du parte, eta horren fruitua, hainbat lehenengo, bigarren eta hirugarren sari, lan baten interpretazio hoberenaren saria, zuzendari hoberenaren saria,… aitortza guzti hauek Euskal Herriko, Estatuko eta atzerriko abesbatzen lehiaketetan lortutakoak. Sari guzti hauetaz gain, Ganbara Abesbatzak hainbat jaialditan hartu du parte eta kontzertu ugari eskaini du, Euskal Herrian, Estatuan zein atzerrian.

• 2019ko uztailaren 27a, larunbata, Protestanteen tenplua - Albert 1er karrika: Andoni Aguirre (pianoa) & Maitane Sebastian (txeloa) bikotea

Baionako eta Iruñeako bi euskal musikari hauek ohiko euskal kantuak eta sorkuntzak uztartuko dituen kontzertu ederra eskainiko digute, munduko beste musikak ahantzi gabe, hala nola yiddish musika.

Bi kontzertuak 18:00etan hasiko dira

Xehetasunak

• Tfnoa : 05 59 93 25 25