Argia dantza taldearen "Martin Zalakain" sorkuntzaren aurkezpena Baionan

2018/02/14

Fred Berruet

agenda@eke.eus

2018/02/14

Bere 50. urtebetetzearen karietara, Euskal Herriko arte herrikoien erreferentzia nagusienetarik bat den Argia dantza taldeak euskal literaturako ezinbesteko kondaira den Zalakain abenturazalea obran inspiratu ikusgarri berri bat taularatzen du. Ikusgarria bi aldiz ikusten ahalko da Baionako Antzokian : otsailaren 17an 20:30etan eta otsailaren 18an 17:00etan. Txartelak oraidanik erreserba daitezke.

Argia dantza taldearen "Martin Zalakain" sorkuntzaren aurkezpena Baionan — Argazkia : Iñaki Zugasti

Pío Barojak 1908an idatzi abentura eleberri honek Martin Zalakainen historia harrigarria kontatzen digu, haurtzarotik heriotzeraino, XIX. mende bukaerako Euskal Herriko kontestu historikoan (hirugarren gerla karlista eta bizimodu tradizionala) erahila izan zelarik.

Martin Zalakain-entzat, Juan Antonio Urbeltz koreografoak Harkaitz Canoidazlearekin eta Ander Lipus taula zuzendariarekin lan egin du, euskal dantza tradizionalaren lengoaia eta itxura berritzeko asmoz, dantza eta emozioa elkartzen dituen narrazio modelo berri bat sortuz. Ikusgarria Xiberoko antzerki tradizioan oinarritzen da, pastoralan bereziki, baina ere italiar Pizkundeko aberastasunetan, Luis XIV.ak Frantzian asmatu balletan edo XX. mendeko errusiar Balletetan.
Taula gainean, Ander Lipus antzezleak, kontakizunaren kontalariak, Pío Baroja ordezkatzen du.

Euskal Herri osotik etorri dantzari eta musikari andana bat bilduak dira Martin Zalakain-en gorabeheren antzezteko.

Ikusgarria euskaraz, frantses gaintituluekin.