Euskal antzerkia Iparraldean ibilki

2017/12/11

Fred Berruet

agenda@eke.eus

2017/12/11

Bosgarren urtez segidan, Ibilki dispositiboaren bitartez, Euskal kultur erakundeak euskarazko antzerkiaren hedapena sustatuko du ipar Euskal Herrian. Karia hortara, euskarazko antzerkiaren hedapenean inplikatuak diren lurraldeko eragile guziek ideiak trukatu dituzte euskarazko antzerkia garatzeko asmoz. Ondorioz, 2017/2018 denboraldian, lau antzezlan aurkeztuak izanen dira Iparraldeko herri ezberdinetan : Huts Teatroa-ren "Hozkailua", Xake Produkzioak-en "Mami Lebrun", Tanttaka Teatroa-ren "Muxua" eta Borobil Teatroa-ren "Jokoz Kanpo".

Ibilki dispositiboaren karietara biltzen den sare aktiboa, euskarazko antzerkiaren alde engaiatzen da, Larresorotik Maulera, Beskoitzetik, Donibane Lohizunetik, Biarritzetik, Bidartetik edo Hendaiatik pasatuz. Egitaraua elkarrekin egiten da, bakoitzaren ahalak eta gaitasunak elkartuz, euskal antzerkiaren bizitasuna, kalitatea eta aniztasuna ahalik eta publiko zabalenari ezagutarazteko asmoz.

Egitaraua

2017ko azaroaren 1a, 18:00, Larresoroko herriko gela : Huts Teatroa "Hozkailua" + Xake Produkzioak "Mami Lebrun"
2017ko abenduaren 8a, 20:00, Beskoitzeko Bixintxo antzokia : Ttanttaka Teatroa "Muxua"
2017ko abenduaren 15a, 20:30, Donibane Lohizuneko Ravel entzutegia : Xake Produkzioak "Mami Lebrun"
2018ko martxoaren 22 edo 23a, 20:30, Biarritzeko Le Colisée aretoa : Huts Teatroa "Hozkailua"
2018ko martxoaren 30a, 20:30, Hendaiako Mendi Zolan gela : Huts Teatroa "Hozkailua"
2018ko apirilaren 6a, 20:30, Bidarteko Beheria aretoa : Borobil Teatroa "Jokoz Kanpo"
2018ko maiatzaren 24a, 20:30, Mauleko Kaserna : Huts Teatroa "Hozkailua"