Atx Teatroa konpainia Ibilki deialdiaren irabazle

2016/06/26

Fred Berruet

agenda@eke.eus

2016/06/26

Ipar Euskal Herriko programatzaile sareak bultzatu Ibilki deialdiaren bitartez, Bilboko Atx Teatroa konpainiaren Fakiu sorkuntza berria hautatua izan da. Horrela, 2016/2017 denboraldian, Bizkaitar talde honen obra ipar Euskal Herriko hiru probintzietan aurkeztua izanen da publiko ezberdinak biltzeko xedearekin.

Atx Teatroa konpainia Ibilki deialdiaren irabazle

Fakiu antzezlanak eguneroko biolentziaren gaia tratatzen du modu ezberdinetan, publikoaren eskuetan utziz antzezlanaren bukaera.

Ibilki dispositiboaren bitartez, Euskal kultur erakundeak Senpereko, Hendaiako, Bidarteko, Donibane Lohizuneko eta Mauleko Herriko Etxeak, Garazi Baigorri eta Errobi herri elkargoak, bai eta Biarritz Culture, Larresoroko Ote Lore eta Hazparneko Eihartzea elkarteak bildu ditu, Ipar Euskal Herri mailako euskarazko antzerkiaren hedapen sare bat sortzeko. Urtez urte, programatzaile sare hori indartzen ari da, elkarlan gune bat osatuz ideiak trukatzeko euskarazko antzerki sorkuntzetaz, programatzaileen ahalak eta gaitasunak batzeko edo komunikazio plan amankomun bat obratzeko euskarazko antzerkia garatzeko asmoz.

Fakiu obraren programazioak larrazkenean aurkeztuko dira Iñaki Ziarrusta taula zuzendaria eta lurraldeko programatzaileen presentzian.