Ahots emaile laguntzaileei deialdia
Biarritzeko Liburutegi Soinudunak liburu irakurleak bilatzen ditu irakurtzeko zailtasunak dituzten pertsonendako audio-liburuen grabatzeko. Frantsesez edo euskaraz irakurtzen duten pertsonak xerkatzen dituzte. Izenak oraidanik eman daitezke
![Ahots emaile laguntzaileei deialdia Ahots emaile laguntzaileei deialdia](https://www.eke.eus/eu/albisteak/2016/ahots-emaile-laguntzaileei-deialdia/@@images/77d703d9-3fa1-445e-9968-f3393be26c8e.png)
Frantsesez ala euskaraz liburuak irakurtzea maite duten pertsona batzu ezgaitasun egoera batean gertatzen dira.
Laguntzaileez osatua den Biarritzeko Liburutegi soinuduneko ahots emaileen elkarteak, audio-liburuak prestatzen ditu urririk (CD-MP3 formatuan grabatuak) elbarritasun arazoak edo bista eskasarengatik irakurtzeko zailtasunak dituzten pertsonei.
Liburutegi Soinudunak MP3 irakurgailua prestatzen ahal dio audio irakurleari eskas baldin badu (“Victor Reader” irakurgailu bat hain zuzen) . Laguntza horren ukaiteko, izena eman behar da, mediku agiri bat edo elbarritasun karta erakutsiz. Liburuak urririk prestatzen dira. Elkartearen egoitzan edo postaren bidez eskuratu daitezke.
Ahots emaileentzat :
- Euskaraz edo/ta frantsesez irakurtzeko gaitasuna ukan
- Irakurtzea maitatu eta testuari bizitasuna emateko gai izan
- Ordenagailu bat ukan
Xehetasunak
- Tfnoa : 05 59 43 76 84
- Helbide elketronikoa : bsbiarritz64@gmail.com
- Permanentziak elkartearen egoitzan iragaiten dira astelehenetan edo ostegunetan 14:00ak eta 16:00ak artean. Helbidea : Villa Sion - 79, bis - Espainiako karrika 64200 Biarritz
Harpidetu doan gure buletinera
Euskal kultur erakundearen berripapera (Hilabetean behin)