Omenaldia Iratzeder-i Donibane Lohizunen

Olerkari gisa Iratzeder izenordearekin ezagutua zena, Jean Diharce deitzen zen. Donibane-Lohizunen sortua, 1920ean. Ikasketak, Uztaritzeko eta Baionako apeztegietan eginak zituen, eta 1941ean, Lapurdin kokatu zen Ahurti herriko Belokeko fraidetxean sartu zen. Bere fraide izena : Aita Xabier. Hogei urtez pasa fraidegaiak moldatzen zituen eta 1972an, Belokeko Aita Abade hautatua izan zen. Kargu hori utzi eta, 1987an, Afrikara joatea erabaki zuen, Bénin herrialdeko Zagnanado hirira. Hango fraidetxean, hamazazpi hilabetez egon zen. 2008ko urriaren 13an zendu zen Beloken, eritasun luze baten ondotik.

Omenaldi eguna Jean-Louis Davant-en mintzaldi batekin hasiko da 10:30etan, ondotik Iratzeder-en olerki liburuxkaren aurkezpena eginen da (11:15). 11:30etan aldiz, Diabolo taldea, Ikastola, St Thomas d’Aquin, Dona Maria kolegioetako ikasleen parte hartzearekin, Iratzederen olerkien irakurketa eta kantuak entzuten ahalko dira.

Bukatzeko, eguerditan Iratzeder-en omenezko oroit-plaka estreinatua izanen da Begiraleak elkartearen parte hartzearekin.

Xehetasunak

• Euskal kultur erakundea : 05 59 93 25 25
• Donibane Lohizuneko kultura zerbitzua : 05 40 39 60 88
• Xabier Diharce "Iratzeder"-i buruzko orria eke.eus orrian