"Herri bihurtu zaidan deserrian" olerki eta kantu emanaldiaren aurkezpena Hendaian

Herri bihurtu zaidan deserrian olerki eta kantu emanaldi bat da, poema eta kantu akustikoen bilduma bat. Emanaldiak etxea atzean utzi eta toki ezezagun batean bizitzen jarraitzen duenaren istorioa kontatzen da.

Izan ere, bidaia baten kontakizuna da, erbesteratuaren min intimoenak, hausturak, zalantzak, hutsuneak eta pozak islatzeko saiakera bat.

Askoren historia izan daiteke, baina kasu honetan Jon Garmendiak idatzitako poemak dira egiazko bidaiaren kontakizun gisa. Idazle eta kazetari ezaguna 10 urtetan idatzitako poemak dira.

Taldea, bestalde, Xabi Solano musikariaren gidaritzapean ari da.

Partaideak : Jon Garmendia (olerkien irakurketa), Xabi Solano (musika), Keu Agirretxea (musika), Ortzi Oihartzabal (biolina), Xabi Azkarate (perkusioak), Eider Eibar (ilustrazioak).

Bestalde, Paxkal Etxepare hazpandarra arituko da soinu teknikan eta Jon Mentxaka bilbotarra argietan. 

Ikusgarria arratsaldeko 19:00etan izanen da,  Zokoburuko Antoine D’Abbadie aretoan.

Sartzeak 8 eurotan erreserba daitezke, Hernaniko Garin, Donostiako Aurreskun, Baionako Elkar-en, Ziburuko Bittor-en eta Donibane Lohizuneko Battelan. Ikusgarriaren egunean 10 eurotan  erosten ahalko dira.

Xehetasunak

Herri bihurtu zaidan deserrian - Ikusgarriaren aurkezpena (pdf)