"Gure Hamlet, oholtzatik ere sortu da"

Maika Etxekopar (1987, Gotaine-Irabarne, Xiberoa) antzerkilaria, kantaria eta musikaria da. Dantzan ere badaki. Amaren Alabak kantari taldean egin zen ezagun, eta, azken bi urteotan, Le Petit Théâtre de Pain tropan dabil, antzezle profesional bilakatzen. Dejabu eta Artedrama konpainiekin batera, Shakespearen obra ospetsuena eskaintzen dute azken hilabeteotan, Euskal Herriko txoko gehienetan: Hamlet, gaur eta hemen.