Hendaia Film Festibalaren lehen edizioa

2013/10/13

Fred Berruet

agenda@eke.eus

2013/10/13

Urriaren 17tik 19ra, Begiradak elkarteak Hendaia Film festibalaren lehen edizioa antolatzen du Hendaian. Film laburren jaialdi berri honetan, proiekzioak, erakusketak, kontzertuak eta Euskal kultur erakundeak sustaturiko euskal zinearen inguruko lan bilkura bat iraganen dira.

Fikzioak, dokumentalak, animazio filmak...Hiru egunez, 50 bat laburmetraia ikusten ahalko dira frantsesez, gazteleraz edo euskaraz. Gehienak jatorrizko bertsioan.

Bestalde, lehiaketa desberdinak antolatuak dira, kontzertu bat Mugaldekoak taldearekin eta euskal zineari buruzko lan bilkura bat, bereziki hego Euskal Herrian ekoiztuak diren filmak ipar Euskal Herrian hedatzeko asmoz.