2012ko euskal kulturaren ekimen sarien banaketa
Euskal Kultura sustengatzen duen Herriarteko Sindikatak "Ekimen" izeneko sariak banatu ditu abenduaren 1ean, Senperen. Orotara 18 proposamen aztertu ditu hautaketa batzordeak eta hiru saristatu. 2007an sortu zen sari honek, ekimena eta izpiritu sortzailea adierazten dituzten proiektuak sustatu nahi ditu Ipar Euskal Herrian, euskara eta euskal kulturaren arloetan.
2012ko saristatuen izendatzeko Jean-René Etchegaray Herriarteko sindikataren lehendakariak epaimahai bat osatu du. Epaimahaikideak zirelarik hautetsi batzu, Aurelia Arkotxa euskaltzaina eta unibertsitateko erakaslea baita ere Pantxoa Etchegoin Euskal kultur erakundearen izenean.
Sariak honela banatu ditu epaimahaiak:
- 1. saria Etorkizuna kontzeptuak dantza-mintegiari "Argibidea" sorkuntza egitasmoarentzat
5000 euroko saria - 2. saria Ezkandrai elkarteari "Gerezien denbora" hiri-pastorala egitasmoarentzat (Itxaro Bordaren testuan oinarritua, Beñat Achiary-k zuzendu 40 bat aktorek emanik)
4000 euroko saria - 3. saria Mari Bi Sos konpainiari "Ixtaño bat" antzerki sorkuntza egitasmoarentzat
1000 euroko saria
Orotara beraz 10.000 euroko dirulaguntza banatu du euskal kultura sustengatzen duen herriarteko sindikatak "Ekimen" lehiaketaren bidez.
Xehetasunak
Harpidetu doan gure buletinera
Euskal kultur erakundearen berripapera (Hilabetean behin)
