"Bihar Jaio nintzen" dantza sorkuntza

Dantza Hirian jaialdiak karrikak eta plazak erabiltzen ditu pasieran dabilenari dantza garaikideko hainbat talderen azken lanak erakusteko. Mugitzen ari den jaialdia da hau eta Donostiatik Baionarainoko Eurohirian zehar ibilaldi bat egitera gonbidatzen gaitu.

Ertzaren zuzendaria eta koreografoa den Asier Zabaletak 2008ko uztailean Baionan egin duen egonaldian, hiriko espazioetan dantzatzeko pieza motz bat sortuko du, "Bihar jaio nintzen" izenekoa. 2008ko Dantza Hirian jaialdian estreinatuko da.

"Bihar jaio nintzen" lanean, bat egiten duten bi begirada ageri dira. Batek iraganetik etorkizunera begiratzen du, eta besteak alderantziz. Iraganaren eta orainaren arteko zubia da. Asier Zabaletak askatu egin nahi du sarritan hermetismoari lotuta egoten den tradizioa, eta modernitateak duen esklusibitate kutsua, bien arteko ulertzea bultzatzeko. Konplexurik gabeko proiektuari ekiten saiatu da, "zer esango dutenaren" beldurrik gabe.

Fusio-proiektua da. Euskal dantza tradizionala eta kaleko dantza modernoa dantza garaikidearen bidez uztartzen dituen proiektua. Hiripaisaietan dantzatzeko proiektua izango da, tarteko ikusle bilakatuko diren oinezkoekin gertutasuna bilatuko duena.

• "Bihar Jaio Nintzen" sorkuntzaren aurkezpena Baionan: 2008ko irailaren 27an, larunbatez, 18 :00etan, Lacarre Plazan

Euskal Kultur Erakundeak "Bihar Jaio Nintzen" sorkuntza eta hedapena laguntzen ditu.

Xehetasunak

• Dantza hirian 2008 (Egitarau osoa - PDF)
• http://www.dantzahirian.com
• Ertza konpania: http://www.ertza.com
• Artxiboa: Audizio tailerra Baionan Dantza Hirianentzat (2008 ko uztaila)