Inguramen heziketa euskaraz
Euskal kultur erakundeak eta Abere eta Eremu Naturalen Ezagupenerako Etxeak elkarrekin eraman duten "Errobi mintzo" programa bururatu berri dute. Euskarazko inguramen heziketa ekintza hori 2003an hasi zen.
Ideia, ur ekosistemen biologiaren eta gizonak nola erabiltzen duen ikertzea zen, eta hori euskaraz.
Abere eta Eremu Naturalen Ezagupenerako Etxearen eta Euskal kultur erakundearen arteko partaidetza hortik abiatu da. Ekimen hori Kanboko hiru irakaskuntza sareekin eramana izan da. CE2-n zirelarik abiatu da eta orain CM2-n direla bururatzen da.
Uraren eta erreken gaiari buruzko natura eta kultura hurbilketa
Lehen urtean erreka ekosistema bezala ikertu ondoren, bigarrenean uraren kudeaketa ikertua izan da eta hirugarrenean eko-hiritartasuna. Bertzalde, azkeneko urtean, haurrek bi animale ezagutzeko parada ukan dute : apoarmatu istilzalea eta ur-ipurtatsa.
Hiru zikloetan zehar, parte-hartzaile desberdinekilako tokian-tokiko ateraldietaz gain (besteak beste SMUN, URA eta ONF), gai horiek klaseetan aipatuak izan dira. Ondotik, lan guziak erakutsiak izan dira Kanboko mediatekan, erakusketa moduan. Azkena, 2006ko apirilaren 25ean aurkeztua izan da.
"Errobi mintzo" ekintza berezia hiru sareetako ikasleen biltzeko parada izan da. Horrela, elkar ezagutzeko parada ukan dute inguramen egitarau baten eta euskararen praktikaren inguruan.
Xehetasun gehiago :
Harpidetu doan gure buletinera
Euskal kultur erakundearen berripapera (Hilabetean behin)
