Rikardo III eta Ni

Horman Poster & Dxusturi Teatroa-ren Rikardo III eta Ni antzezlanaren aurrerapena

Hiru pertsonaia daude taula gainean: Rikardo III-a, psikologoa eta Shakespeareren zale frikia. Hirurek Shakespeareren antzezlaneko eszena ezberdinak bisitatzen dituzte, umorez eta teoria psikologiko-soziologikoak eztabaidatzen dituzten bitartean. Fikziotik kritikara eta handik antzerkira jauzi eginez, Shakespeareren pentsamenduaren begirada garaikide eta euskaldun batean. Rikardo III eta ni sorkuntza kolektiboa da, eta hainbat alderdi historiko, sinboliko eta kultural jorratzen ditu (adibidez, Zamaltzaina eta Rikardo III.aren figuraren arteko harremana).

Obra 2025eko urrian estreinatuko da Bilboko Arriaga Antzokian.