Eleketa, Xiberoako ahozko oroimenak

Euskal kultur erakundeak ekoiztu erakusketa multimedia eta interaktibo honetan (ukipen-pantailez eta telebistez osaturik) Zuberoako 65 lekukok beren bizipenak eta oroimenak aipatzen dizkigute.

France 3 Euskal Herriko erreportajea (2023-10-06)

Gai nagusiak

Mauleko mediatekan

• Zuberoako artzaingoa eta laborantza 1930etik gaur arte (laborantza mendian eta zelaian, artzaingoa, lanbide osagarriak, 1970-1980 urteetako garapena, Jean Pitrau-ren inguruko engaiamenduak…)
• Zuberoako gizartea eta ekonomia XX. mendean (espartingintza eta zapatagintza, jendarteko harremanak, gerlak, erbestea, euskara eta kultura… )

Mauleko Ondarearen etxean

• Zuberoako pastorala eta maskaradak (Zerk egiten du pastorala?, pastorala idatzi eta eman, pastorala muntatü, maskarada, ihauteetako errituala, maskarada, erritual estetikoa…)

Azpimarratzekoa da bideo-pasarteak beren jatorrizko transkripzioarekin eta itzulpenarekin (euskaraz edo frantsesez) aurkeztuak izanen direla erakusketan. Horrela bai euskaldunek bai erdaldunek gozatzen ahalko dituzte urtez urte bildu lekukotasunak.

Maite Barnetche kazetariak (1941-1986) telebista publikoarendako "Euskal Herria orai eta gero" lema pean Xiberoan egin hainbat erreportaje bilduak dira ere erakusketan. 

Bestalde, horien denen osagarri, erakusketan jorratu hainbat gairekin zerikusia duten Baionako euskal museoko ehun bildumetako zonbait objektu eta jantzi ikusten ahalko dira karia hortara, partaidetza berezi baten baitan. "Haritik harira" erakusketatik datoz.

"Eleketa, Xiberoako ahozko oroimenak" - Zonbait zenbaki

• 65 lekuko (ikus zerrenda - PDF)
• 24 erreportaje tematiko
• 108 bideo-pasarte
• 12 oren lekukotasun azpitituluekin
• orotara 15 oren bideo (lekukotasunak eta artxiboak)

Pirinio Atlantikoetako departamenduaren Artxibotegiaren partaidetzarekin ekoiztu erakusketa.