Bankako meategien bisita gidatua

Bankako meategien ondarea Erromatar garaitik goitiko meatzaritza jardueraren lekuko ezezaguna da. XVIII. mendean loratu zen herriko meatzaritza, kobreola baten eraikuntza eta garapen arrakastatsuarekin. XIX. mendean, berriz, burdinola bilakatu zen. Hau guztia deskubritzeko, bi orduko bisita gidatu bat proposatzen dugu. Olhaberri meategi ondarearen interpretazio zentroaren bisitaz gain, herrixka zeharkatzen duen bidexka segituz, San Luis mea-ziloraino helduko gira. Bertan, soinu eta argi animazio bat izanen da. Ez ahantz ibiltzeko zapeta onak hartzea!